Հարգելի երևանցինե՛ր և հյուրե՛ր

    ՈՒրախ եմ ձեզ ողջունելու Երևանի մետրոպոլիտենի պաշտոնական կայքում։ Որպես մետրոպոլիտենի կայքէջ, այն բոլոր այցելուներին հնարավորություն է ընձեռում առավել ընդգրկուն և հանգամանալից տեղեկություններ ստանալ արդեն 35-ամյա պատմության ունեցող մետրոպոլիտենի գործունեության, ներկա իրավիճակի և ինչու ոչ ապագայի տեսլականի մասին։ Կարևորելով մետրոպոլիտենի առկայությունը մայրաքաղաքի հասարակական տրանսպորտի ոլորտում, ակնկալում ենք, որ կայքը յուրատիպ հարթակ կհանդիսանա մետրոպոլիտենի ծառայություններից օգտվող յուրաքանչյուրի համար, ինչի արդյունքում է՛լ ավելի արդյունավետ կդառնա մետրոպոլիտենի գործունեությունը։

    Համոզվա՛ծ եմ, որ ձեր կողմից պատշաճ գնահատանքի կարժանանա մետրոպոլիտենի ողջ անձնակազմի կողմից թափված ջանքերը` ձեզ լավագույնս սպասարկելու առումով և ձեր առաջարկություններով ու դիտարկումներով, դուք ևս կնպաստեք մետրոպոլիտենի հետագա բարգավաճման ու զարգացման խնդիրների իրականացմանը։

    Ներկայումս Երևանում իրականացվող զանգվածային բարեփոխումները, բարեկարգումներն, մայրաքաղաքի համար խիստ կենսական նշանակության ժամանակակից ոճով կառուցապատումները, մեզ բոլորիս հույս են ներշնչում, որ մետրոպոլիտենը ևս կընդլայնի իր գործունեության շրջանակները, ընդգրկելով սպասարկման ոլորտ մայրաքաղաքի նորանոր թաղամասեր։